Elimizdiń birqatar mınıstrlikterinde ózgerister bolady.
Prezıdent Qasym-Jomart Toqaev «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» Jarlyqqa qol qoıdy, dep jazady Almaty-akshamy.kz Aqordanyń baspasóz qyzmetine silteme jasap.
«Qazaqstan Respýblıkasynyń Ekologıa, geologıa jáne tabıǵı resýrstar mınıstrligi jer qoınaýyn memlekettik geologıalyq zerdeleý, mıneraldyq-shıkizat bazasyn molyqtyrý salasyndaǵy fýnksıalary men ókilettikteri Qazaqstan Respýblıkasynyń Indýstrıa jáne ınfraqurylymdyq damý mınıstrligine berile otyryp, Qazaqstan Respýblıkasynyń Ekologıa jáne tabıǵı resýrstar mınıstrligi bolyp qaıta uıymdastyrylsyn», - dep jazylǵan qujatta.
Osyǵan baılanysty Memleket basshysy «Úkimetke QR Prezıdentiniń Ákimshiligimen kelisim boıynsha memlekettik organdardyń jáne olarǵa vedimistik baǵynyshty uıymdardyń shtat sanyn qaıta bólýdi» tapsyrdy.
«Qazaqstan Respýblıkasynyń Indýstrıa jáne ınfraqurylymdyq damý mınıstrligi beriletin fýnksıalar men ókilettikter sheginde Qazaqstan Respýblıkasynyń Ekologıa, geologıa jáne tabıǵı resýrstar mınıstrliginiń quqyqtary men mindettemeleriniń mırasqory bolyp aıqyndalsyn», - delingen Jarlyqta.