Prezıdent shetelge zańsyz shyǵarylǵan aktıvterdi izdeýge jáne qaıtarý úshin zamanaýı tehnologıalardy keńinen qoldaný isin jalǵastyrýdy tapsyrdy.
Prezıdent Bas prokýror Berik Asylovty qabyldady, dep habarlaıdy Almaty-akshamy.kz Aqordaǵa silteme jasap.
Berik Asylov:
elimizdegi zańdylyqtyń jaı-kúıi jáne qadaǵalaý qyzmetiniń basym baǵyttary boıynsha júrgizilgen jumystardyń negizgi qorytyndysy jóninde baıandady;
elimizdegi krımınogendik ahýal jáne qylmystyq-quqyqtyq salada azamattardyń konstıtýsıalyq quqyqtarynyń saqtalýy jóninde málimet berdi:
– prokýrorlar tergeý oryndary zańsyz qamaýǵa alǵan 449 adamdy bosatqan;
– 515 adamǵa qatysty shyqqan úkimdi qaıta qaraý jóninde bastama kótergen. Onyń ishinde 205 sottalýshynyń jaǵdaıy jaqsaryp, 10 adam aqtalǵan; aktıvterdi qaıtarý jáne qylmyskerlerdi izdestirý jumystary barysynda prokýratýra organdarynyń jasandy ıntellektini paıdalanýy jóninde baıandady:
– Bas prokýratýrada elden zańsyz shyǵarylǵan aktıvterdi izdeý jáne izine túsý úshin qoldanylatyn «aqyldy» analıtıkalyq platformany pılottyq rejımde synap kórý jumystary bastalǵan;
– qazirgi tańda qabyldanǵan sharalardyń, sonyń ishinde aqparattyq júıelerdi paıdalanýdyń nátıjesinde izdeýde júrgen 605 qylmysker ustalǵan; búginde prokýrorlar júzege asyrylyp jatqan 663 ınvestısıalyq jobaǵa quqyqtyq keńes berip otyrǵanyn aıtty.
Bıyl el ekonomıkasyna 2,4 trıllıon teńge kóleminde ınvestısıa salǵan 148 ınvestordyń túıtkildi máselesi sheshilgen.
Prezıdent shetelge zańsyz shyǵarylǵan aktıvterdi izdeýge jáne qaıtarý úshin zamanaýı tehnologıalardy keńinen qoldaný isin jalǵastyrýdy tapsyrdy. Memleket basshysy qylmystyq proseste azamattardyń konstıtýsıalyq quqyqtaryn qorǵaýdyń jáne ınvestorlar men bıznes-qoǵamdastyqtyń quqyqtaryn prokýrorlyq qadaǵalaý sharalarymen tıimdi qamtamasyz etýdiń mańyzdy ekenin atap ótti.