Atom energetıkasyn Eýropalyq odaq jasyl tehnologıalar tizimine qosyp otyr
Qazaqstan atom elektr stansasynyń qaı aımaqta salatynyn belgiledi. Bul týraly QR Prezıdenti janyndaǵy Sheteldik ınvestorlar keńesiniń 34-jalpy otyrysynda Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Parnıktik gaz shyǵaryndylaryn tómendetýdegi mańyzdy faktordyń biri - atom energıasyn paıdalaný. Munyń ústine jańaratyn energetıkanyń turaqsyzdyǵy jáne gaz generasıasynyń shekteýligi jaǵdaıynda álemdik atom úzdiksiz bazalyq generasıanyń jalǵyz kózi bolady», - dedi Memleket basshysy.
QR Prezıdentiniń atap ótýinshe, Qazaqstannyń atom energetıkasyn damytýda birqatar naqty basymdyǵy bar.
Al atom energetıkasyn Eýropalyq odaq jasyl tehnologıalar tizimine qosyp otyr.
«Elimiz tabıǵı ýran óndirýde álemde birinshi orynda tur. Iadrolyq otyn komponentteriniń ózindik óndirisi jáne ýrandy baıytý úshin múmkindigi bar. Qazirgi sátte AES ornalasatyn oryndy aıqyndadyq jáne áleýetti jetkizýshilerdiń tehnologıasyn zerdelep jatyrmyz», - dedi Qasym-Jomart Toqaev.