Kópten kútken doda
Halyqaralyq Tokıo-2020 Olımpıadasynyń birinshi jarys kúniniń baǵdarlamasy belgili boldy, dep habarlaıdy Almaty-akshamy.kz Olympic.kz-ke silteme jasap.
Búgin, 23 shilde kúni, Japonıa astanasy Tokıoda jankúıerler asyǵa kútken XXXII jazǵy Olımpıada oıyndary bastalady. Bir jylǵa keıinge shegerilgen 2020 jylǵy Olımpıada uıymdastyrý komıtetiniń, Halyqaralyq Olımpıada komıtetiniń jáne Japonıa bıliginiń talap-erejelerine saı ótkiziledi.
Olympic.kz-tiń málimeti boıynsha, Olımpıadanyń alǵashqy kúnindegi otandyq sportshylardyń jarys kestesin nazarlaryńyzǵa usynylady.
Elimizdiń astanasy Nur-Sultan jáne Tokıo qalalaryndaǵy ýaqyt aıyrmashylyǵy +3 saǵatqa teń. Oıynnyń alǵashqy jarys kúninde sadaq atýdan úsh qazaqstandyq sportshy jáne akademıalyq esýden Qazaqstan komandasynyń ókili irikteý kezeńin bastaıdy.
TeamKZ músheleriniń jarys kestesi (Nur-Sultan ýaqytymen):
Sadaq atý. Erler:
Sanjar Musaev, Ilfat Abdýllın, Denıs Gankın.
Bastalýy: 10:00.
Akademıalyq esý, irikteý:
Vladıslav Iakovlev
Bastalýy: 5:30
Tokıo Olımpıadasynda álemniń 200 memleketinen kelgen 11 myńǵa jýyq sportshy sporttyń 33 túrinen baq synaıdy. Atletter jalpy esebi 339 júlde jıyntyǵyn sarapqa salady.
Dúnıejúzilik Olımpıada oıyndarynyń ashylý saltanaty 17:00-de bastalady.