Toı toılaıtyn zaman emes!
Qalada 40 monıtorıńtik top jumystaryn jalǵastyrýda. Demalys kúnderi olardyń jumysy tipti kúsheıtildi, dep habarlaıdy Almaty-akshamy.kz.
Megapolıstegi sanıtarlyq-epıdemıologıalyq ahýal KVI-diń mýtasıalanǵan «delta» shtamyna baılanysty ýshyǵa túsýde. Almatyda ótken táýlikte koronavırýs ınfeksıasynyń 1219 jaǵdaıy tirkelgen.
Karantın shekteýleri jumys rejımi men kelýshiler arasyndaǵy áleýmettik qashyqtyqty saqtamaıtyn oıyn-saýyq oryndarynda jıi anyqtalady. Ótken demalys kúnderi Bostandyq aýdanynyń monıtorıńtik toby Dýlatı kóshesiniń boıynda ornalasqan 18 meıramhana men banket zalyn tekserdi. Eki mekemede karantınniń buzylýy anyqtaldy. «Bi Kumis» saltanat zalynda 85 qonaqtyń qatysýymen qudalyq ótken, al «Ulytaý» meıramhanasynda 45 adamǵa eseptelgen týǵan kún ótkizilgen. Toı uıymdastyrýshylary QR Ákimshilik kodeksiniń 425-baby 1-bóligi boıynsha ákimshilik jaýapkershilikke tartyldy.
Tártip buzýshylar tiziminde Medeý aýdanyndaǵy «Atmosfera» meıramhanasy da bar, onda 24 shildege qaraǵan túni 100-ge jýyq adam bolǵan. Naýryzbaı aýdanyndaǵy «Granada Hol» meıramhanasynda da buzýshylyq tirkeldi, onda saltanatty is-sharaǵa 100-den astam adam jınalǵan. Sol aýdanda «Samır» meıramhanasynda 100-ge jýyq qonaq bolǵan.
Almaly aýdanyndaǵy «Kıno» kafesinde de karantın talaptary buzyldy, onda 60 adam bolǵan. 25 shildede tún ortasynda Medeý aýdanynyń «Late night show» barynda 110-120 adam jınalǵan.
Tártip buzýshylardyń tizimine Naýryzbaı aýdanynyń «Baq saraı» meıramhanasy da ilindi, onda 100 qonaq bolǵan. Sondaı-aq, 90 kelýshi bolǵan «Sultan saraı» men «Nur-Aı» meıramhanalarynda buzýshylyqtar anyqtaldy.
Áýezov aýdanynyń mobıldi top ókilderi 24 shilde kúni «Jetisý-4» shaǵynaýdanyndaǵy «Veselıdze» dámhanasyndaǵy buzýshylyqtardy anyqtady. Jazǵy terrassada kelýshilerdiń sany 50%-dan asýyna baılanysty karantın shekteýi buzyldy. Sondaı-aq, qyzmetkerler kelýshilerge betperdesiz qyzmet kórsetken.
Jalpy, jyl basynan beri karantındik sharalardy buzǵan 2767 nysan anyqtalyp, 4798 hattama toltyryldy. Zańdy tulǵalarǵa 167 mln. teńgeden astam somaǵa 479 hattama jasaldy. Jeke tulǵalarǵa qatysty betperde rejımin buzǵany úshin 190 mln. teńgege jýyq somaǵa 4319 hattama toltyryldy.