Qazaqstanda qatań shekteýler engizilip jatsa da, toı tyıylar emes. Tipti juldyzdardyń qatysýymen de merekelik sharalar jıi uıymdastyrylatyn bolǵan. Aıyppul salynsa da ońaı tólep, erkin júretinder kóp. Endi turǵyndar ondaı keshtiń ótetinin aldyn ala habarlasa, syıaqy berilýi múmkin, - dep habarlaıdy Almaty-akshamy.kz 31-arnanyń Informbúro aqparattyq baǵdarlamasyna silteme jasap.
«Baıaǵy ótken zamanda… » ánshi Qýandyq Rahym toıda óner kórsetken sátin birneshe ýaqyt ótken soń bólisip otyrmyn dep jarıalaıdy. Al, sol toıdaǵy jas jubaılar naqty datasyn kórsetip bólisken. Almatynyń bas sanıtar dárigeriniń orynbasary Sádýaqas Baıǵabylov monıtorıńtik toptar zań buzýshylyqty kóbine osylaı anyqtaıtynyn aıtady. Endi jaýaptylar densaýlyq saqtaý mınıstrligine arnaıy usynys joldamaq eken.
«Pandemıa kezinde merekelik sharalardy uıymdastyratyndar azaımaı tur. Tipti, ondaı jerlerde ánshilerdiń de júretinin kórdik. Olarǵa zań boıynsha aıyppul salynyp jatyr. Biz qazir toı men adam kóp jınalatyn sharalar týraly habarlaǵan adamǵa syıaqy berý máselesin de qarastyryp jatyrmyz», – dedi Almaty qalasy sanıtarıalyq-epıdemıologıalyq baqylaý departamenti basshysynyń orynbasary Sádýaqas Baıǵabylov.
Kez kelgen turǵyn jergilikti ákimdik saıtynan monıtorıńtik toptyń nómirin taba alady.
«Turǵyndar bizge habarlap, qaı jerde merekelik is-sharalar ótedi sony aıtyp otyrsa, jedel túrde monıtorıńtik top sonda barady», – dedi Almaty qalasy monıtorıńtik top múshesi Ertaı Álimov