«QR BǴM ǴK SEME» MM seısmıkalyq stansıalar jelisi 2021 jylǵy 15 tamyzda Almaty ýaqytymen 12 saǵat 52 mınýtta jer silkinisin tirkedi, dep habarlaıdy Almaty-akshamy.kz.
Jer silkinisiniń epısentri Almaty qalasynan soltústik-batysqa qaraı 97 shaqyrym jerde Almaty oblysy İle aýdanynyń aýmaǵynda ornalasqan.
Jer silkinisiniń energetıkalyq klasy 9.1.
MPV magnıtýdasy 4.5.
Epısentrdiń koordınattary 43.99° s.sh. 76.38° v.d.
Tereńdigi 15 shaqyrym.
Seziletindigi týraly málimetter (MЅK-64 shkalasy boıynsha): Qurty aýyly 2 bal.
Almaty oblysy Tótenshe jaǵdaılar departamenti aqparatty alǵannan keıin jergilikti atqarýshy organdardy, Polısıa Departamentin, Qazseldenqorǵaý, prokýratýra jáne basqa da uıymdardy habardar etti, senip tapsyrylǵan aýmaqtardaǵy jaǵdaı naqtylanýda, qıraýlar men qurbandar týraly habarlamalar túsken joq.
Almaty oblysynyń TJD jer silkinisi kezindegi áreketterdiń tártibi týraly eskertedi:
- ǵımarattan shyǵyńyz (sizdiń ıeligińizde 15-20 sekýnd);
- joǵarǵy qabattarda qalǵan jaǵdaıda balany qushaqtap alyp, esik oıyǵynyń ornyna nemese irgeli qabyrǵalardan quralǵan buryshta oryn alyp turyńyz;
- eshqandaı jaǵdaıda tereze janynda turmańyz jáne balkondardan sekirmeńiz.
- ǵımarattardan, qurylystardan, baǵanalar men qorshaýlardan alystap turyńyz;
- úıge kirmeńiz: dúmpýler qaıtalanýy múmkin;
- jedelsatyny paıdalanbańyz;
- sirińke, sham jaǵýǵa bolmaıdy;
- symdarǵa qol tıgizbeńiz;
- zardap shekkenderge alǵashqy kómek kórsetińiz.