Qańtar men qyrkúıek arasynda Qazaqstan ekonomıkasynyń ósimi 3,4 paıyzǵa deıin jetti. Bul týraly QR Ulttyq ekonomıka mınıstri Áset Erǵalıev Úkimet otyrysynda aıtty, dep habarlaıdy almaty-akshamy.kz
«Bıylǵy qańtar-qyrkúıek aralyǵynda Qazaqstan ekonomıkasynyń ósý kórsetkishi 3,4 paıyzǵa deıin artty. Osy esepti kezeńde negizgi trendter boıynsha qyzmet kórsetý sektoryndaǵy dınamıkanyń jandanýy, naryqtyq sektordaǵy ósý qarqynyń saqtalýy, saýda balansynyń oń saldosy, naryqtyń nyǵaıýy jáne óńdirýshi emes sektorlardaǵy joǵary ınvestısıalyq belsendilik baıqalýda», - degen vedomstvo basshysy atalmysh 9 aıda naqty sektordaǵy ósim 3,5 paıyzǵa jetkenin de atady.
«Qyzmet kórsetý sektorynda iskerlik belsendilik 2,9 paıyzǵa deıin ósti. Salalar arasynda aqparat jáne baılanys, qurylys, saýda, sýmen jabdyqtan, elektrmen jabdyqtaý, óńdeý ónerkásibi joǵary ósim kórsetti. Sondaı-aq, aýyl sharýashlyǵynda da oń joǵary ósim baıqalyp otyr», - dedi mınıstr.