Bul eki jylda bir ret ótkiziletin shara.
Qazan aıynyń 4-6 aralyǵynda Astanada «Jańa naqty jaǵdaıda Táýelsiz memleketter dostastyǵyn qurý jáne pandemıadan keıingi kezeńdegi bilim berý úderisiniń transformasıasy» taqyrybynda muǵalimder men basqa da bilim berý qyzmetkerleriniń VII sezi ótedi, dep habarlaıdy Almaty-akshamy.kz.
Muǵalimder sezi TMD bilim mınıstrleri konferensıasynyń sheshimimen eki jylda bir ret ótkiziletinin eske sala keteıik.
2010 jyly TMD-ǵa múshe memleketterdiń muǵalimderi men bilim berý qyzmetkerleriniń birinshi sezi Qazaqstanda ótken bolatyn.
«Qazirgi ýaqytta ártúrli elder muǵalimderiniń ortaqtastyǵy men birligi - bilim berý salasynda memleketter arasyndaǵy turaqtylyq pen yntymaqtastyqty nyǵaıtýdyń kepili. TMD elderiniń bilim berý salasyndaǵy yntymaqtastyq keńesi VII sıezi Qazaqstanda ótkizý týraly sheshim qabyldady. Ártúrli baǵyt boıynsha barlyǵy 9 taqyryptyq seksıa uıymdastyrylady: bilim berý mazmuny, baǵalaý, jalpyadamzattyq qundylyqtar, muǵalimderdi damytý, qosymsha bilim berý, sıfrlyq transformasıa, balalardyń ál-aýqaty, ınklúzıvtilik jáne kásiptik-tehnıkalyq bilim. Sıfrlandyrý dáýirindegi oqý saýattylyǵy men ata-analarmen ózara árekettesý máseleleri de talqylanady», - dedi Orta bilim komıtetiniń tóraǵasy Gúlmıra Kárimova.
Sıez aıasynda İİ Pedagogıkalyq sheberlik festıvaliniń qorytyndy kezeńi ótip, baıqaýdyń fınalısteri, ıaǵnı TMD elderiniń muǵalimderi bizdiń elge keledi. Olar saıys sabaqtaryn kórsetedi. Muǵalimderge arnalǵan sheberlik sabaqtary úsh nomınasıa boıynsha ótedi: muǵalim, tárbıeshi jáne psıholog/áleýmettik pedagog.
Sonymen birge sıeze mektepke deıingi jáne orta bilim berý, sondaı-aq oqý-ádistemelik keshen salasyndaǵy sıfrlyq jáne baspa ónimderiniń kórmesi uıymdastyrylady. Qazaqstandyq kásipkerler men startaptar oqý oryndarynda sabaq berý men oqýdy tıimdi uıymdastyratyn İT-jobalaryn tanystyrady.
Sıez Táýelsiz memleketter dostastyǵyna múshe memleketterdiń gýmanıtarlyq yntymaqtastyǵynyń memleketaralyq qory qoldaýymen ótedi.