TMD baıqaýshylary mısıasy elimizde ótip jatqan Májilis jáne máslıhattar saılaý aldyndaǵy úgit-nasıhat jumystary barysynda kemshilikterdi anyqtaǵan joq.
Bul týraly atalǵan mısıa basshysy Leonıd Anfımov aıtty. Onyń aıtýynsha, elimizdiń Ortalyq saılaý komısıasy saılaý naýqanyn qalaı joǵary kásibı turǵyda daıyndaý jáne ótkizý kerektigin kórsetken, dep habarlaıdy Almaty-akshamy.kz Qazaqstan.tv-ǵa silteme jasap.
«Búginge deıin úgit-nasıhat naýqanyn ótkizý, depýtattyqqa kandıdattardy usyný barysyndaǵy zań buzýshylyqtar, saılaý aldyndaǵy kúrestegi ádiletsizdikter jaıynda birde-bir kemshilik tappadyq, ondaı aqparat ta joq. Bári de órkenıetti túrde júrgizilip jatyr. Kezekten tys depýtattar saılaýyna óz kandıdatýrasyn usynǵan azamattardyń barlyǵy laıyqty tulǵalar», - deıdi TMD baıqaýshylary mısıasynyń basshysy Leonıd Anfımov.