Qazaqstandaǵy Májilis jáne máslıhat depýtattaryn saılaý prosesin TMD Parlamentaralyq Assambleıasy atynan 61 baıqaýshy qarap otyr, dep habarlaıdy Almaty-akshamy.kz QazAqparatqa silteme jasap.
«Osy saılaýdy uıymdastyrý jaǵy joǵary deńgeıde ekenin baıqadyq. Biz Qazaqstandaǵy saılaýǵa kelgen saıyn, elde ońtaıly qadam jasalyp jatqanyn senimmen aıtamyz. Búgingi saılaýda da jaqsy qorytyndyny jarıalaımyz dep úmittenemin. Biz saıası partıalardyń barlyǵymen tanysyp, kezdesý ótkizdik. Sonymen qatar osy proseske aralasyp jatqan saıası qaıratkerlermen, azamattarmen kóp sóılestik», - dedi TMD Parlamentaralyq Assambleıasynyń baıqaýshylar tobynyń úılestirýshi Vagarshak Akobán elordadaǵy №110 saılaý ýchaskesine tilshiler suraǵyna jaýap bere otyryp.
Osy oraıda ol daýys berý zań talaptary aıasynda ótip jatqanyn aıtty.
Budan bólek, TMD Parlamentaralyq Assambleıasy keńesiniń bas hatshysy Dmıtrıı Kobıskıı osyǵan deıin baıqaýshylar toby álemniń birqatar elinde bolǵanyn, osy oraıda Qazaqstanǵa tájirıbeli mamandar kelgenin aıtty.
«Bizdiń Qazaqstandaǵy tobymyzda 61 adam qamtylǵan. Bul turǵyda obektıvti qorytyndy jasaı alamyz. Tańerteń biz saılaý ýchaskeleriniń ashylýyna bardyq. Saılaý ýchaskelerinde daýys berý jáne daýystardy sanaý aıaqtalǵansha bizdiń baıqaýshylar bolady. Qazaqstan Ortalyq saılaý komısıasy daýystardy sanaǵannan keıin, biz de óz tıisti málimdeme jasaımyz», - dedi D. Kobıskıı.
Buǵan deıin habarlaǵandaı, tańdaý jasaýǵa túıemen de kelip jatyr.