49 945 adam úılerine oraldy.
Tótenshe jaǵdaılar mınıstrligi Qazaqstandaǵy sý tasqyny jaǵdaıy týraly jedel aqparat berdi, - dep habarlaıdy Almaty-akshamy.kz
Vedomstvonyń ókili Asqar Sháriptiń aıtýynsha, Atyraý oblysynyń Qulsaryda sý basqan 20 úıden motopompalar men qýatty jyljymaly sorǵy stansıalary arqyly táýlik boıy sý sorý jalǵasyp jatyr. Tótenshe jaǵdaılar mınıstrligine qarasty 20982 áskerı bóliminiń áskerı qyzmetkerleri Qulsary qalasynda dezınfeksıalaý jumystaryn júrgizip jatyr.
Soltústik Qazaqstan oblysynyń Petropavl men Qyzyljar aýdanynda 24 saǵat ishinde 184 úıden sý burylyp, soryldy.
"Aqtóbe oblysy Yrǵyz aýdany Kúılis aýylynda Torǵaı ózenindegi sý deńgeıiniń birtindep artýyna baılanysty uzyndyǵy 2,5 shaqyrym bóget salý jumystary júrgizilip jatyr. 30 myńnan astam qapshyq pen 19 myń ınertti materıal tóseldi. Sý deńgeıine saǵat saıyn monıtorıń júrgiziledi. Jaǵdaı erekshe baqylaýda", - dedi Asqar Shárip OKQ brıfıńinde.
Respýblıka boıynsha barlyǵy 8 958 turǵyn úı men 2 994 aýla aýmaqtarynan sý burylyp, soryldy.