23-28 qarasha aralyǵynda Shymkent qalasynda sporttyń kúshtik túrlerinen Qazaqstan Respýblıkasynyń ashyq chempıonaty ótti, dep habarlaıdy aqshamnews.kz
Chempıonatta respýblıkanyń túkpir-túkpirinen kelgen 937 adam jarysty.
Osy sporttyq jarysqa QR TJM M.Ǵabdýllın atyndaǵy Azamattyq qorǵaý akademıasynyń órt-qutqarý jáne dene daıyndyǵy kafedrasynyń oqytýshysy azamattyq qorǵaý maıory Vıtalıı Vadımovıch Romashenko qatysty.
Joǵary oqý ornynyń qyzmetkeri 100 kg salmaq dárejesinde kúshtik sporttyń 6 túri boıynsha 6 altyn medal jeńip aldy.
Bul jarysta Vıtalıı Vadımovıch Romashenko halyqaralyq sport sheberi normatıvin oryndady, sonymen qatar 100 kelige deıingi salmaq dárejesinde arqanǵa tartylý boıynsha Qazaqstan jáne Azıa rekordyn ornatty.
«Bul sporttyq jetistik marapaty men úshin mańyzdy. Ol eńbek, tártip jyldaryn beıneleıdi. Men osyndaı nátıjege qol jetkizgenimdi maqtan tutamyn. TJM basshylyǵyna jáne osy jolda meni qoldaǵandardyń barlyǵyna rızamyn. Bul ári qaraı júrýge jáne odan da joǵary maqsattar qoıýǵa shabyttandyrady»,-dedi Vıtalıı Romashenko.