Buǵan úkimet rezervinen 633 mln teńgeden astam qarjy bólindi.
Úkimet tótenshe jaǵdaılar mınıstrliginiń bólimshelerin arnaıy qurylǵylarmen qamtamasyz etý boıynsha qosymsha sharalar qabyldap jatyr, dep habarlaıdy Almaty-akshamy.kz
Úkimettiń baspasóz qyzmeti habarlaǵandaı, tıisti qaýlyǵa premer-mınıstr Álıhan Smaıylov qol qoıǵan.
«Qujatqa sáıkes, qarajat tabıǵı jáne tehnogendik sıpattaǵy tótenshe jaǵdaılardy joıýǵa qatysatyn Tótenshe jaǵdaılar mınıstrliginiń áýe kemelerine 5 sý shashý qurylǵysyn jáne 71 ushqyshsyz ushý apparatyn satyp alýǵa baǵyttalady», - delingen habarlamada.
Búgingi tańda TJM qaramaǵynda 27 ushqyshsyz ushý apparaty bar. Alaıda bıyl bolǵan órtter men basqa da tótenshe jaǵdaılar olardyń sanynyń jetkiliksiz ekenin kórsetti.
Sondaı-aq qazirgi ýaqytta ashyq sý qoımalarynan sý alyp, tabıǵı órt oshaqtaryna áýe arqyly jetkizý úshin 12 sý shashatyn qurylǵy bar. TJM avıasıalyq parki kópfýnksıaly 34 áýe kemesinen turady.
«Osylaısha jańa drondar men sý shashý qurylǵylaryn satyp alý tabıǵı jáne tehnogendik sıpattaǵy tótenshe jaǵdaılar kezinde tıisti bólimshelerdiń tıimdiligin arttyrýǵa múmkindik beredi», dep málimdedi úkimet.