Temirjol vokzalynyń perronynda Almaty TJD úrmeli orkestri iske qosyldy
30 mamyr kúni «Almaty – 2» vokzalynda Almaty qalasy Tótenshe jaǵdaılar departamenti sportshylarynyń áıelder quramasyna saltanatty kútý jáne qurmet kórsetý rásimi ótti, dep habarlaıdy Almaty-akshamy.kz. Bul týraly Tótenshe jaǵdaılar departamentiniń ınstagramdaǵy áleýmettiik paraqshasynda jarıalandy.
Temirjol vokzalynyń perronynda Almaty qalasy TJ departamentiniń úrmeli orkestri iske qosyldy. Úzdik úshtikke engen júldegerlerdi jáne olardyń tálimgerlerin ujymnan, dostarynan jáne týystarynan qyzyl raýshanmen jyly kezdesý kútip turdy.
23-28 mamyr aralyǵynda Mańǵystaý oblysynyń Aqtaý qalasynda órt sóndirý-qutqarý sporty boıynsha Qazaqstan Respýblıkasynyń kýbogyna respýblıkalyq týrnır ótti. Tózimdilik pen kásibılikte elimizdiń barlyq óńirlerinen 9 erler jáne 12 áıelder komandalary jarysty.
Upaı qorytyndysy boıynsha Almaty qalasy TJD qurama komandasy jalpykomandalyq İİİ orynǵa ıe boldy. «Jaýyngerlik qanat jaıý» páni boıynsha İİİ jalpykomandalyq orynǵa ıe bolyp, úzdik úshtikke endi.
Órt sóndirý-qutqarý quramasynyń sportshysy.Almaty Dzolba Oksana «100 metrlik kedergileri bar jolaqtan ótý» boıynsha I oryn alyp, birden birneshe pán boıynsha úzdik atandy, sonymen qatar «2-qabattyń terezesine shabýyl satysymen kóterilý» páni boıynsha birinshi oryndy ıelendi. Oksana 24.49 s. qossaıystan Qazaqstan Respýblıkasynyń rekordyn ornatyp, jeke esepte chempıon atandy.
Endi TJD quramasy aǵymdaǵy jyldyń qyrkúıek aıynda Tashkent, Ózbekstan qalalaryna álem chempıonatyna daıyndyq jasaıdy.