Tótenshe jaǵdaılar mınıstrliginde TJ vıse-mınıstri Baýyrjan Syzdyqovtyń tóraǵalyǵymen tótenshe jaǵdaılardyń aldyn alý jáne olardy joıý jónindegi vedomstvoaralyq memlekettik komısıanyń otyrysy ótti.
VAMK otyrysynda órt qaýipti kezeńge daıyndyq, kóshkin qaýpi bar óńirlerdiń taý bókterindegi aýdandarynda salynǵan qurylystar jáne memlekettik organdardyń shomylý maýsymyna daıyndyǵy máseleleri qaraldy, dep habarlaıdy Almaty-akshamy.kz.
Otyrys beıneselektorlyq rejımde ótti. Oǵan ortalyq memlekettik organdardyń basshylary, oblystar, Astana, Almaty jáne Shymkent qalalary ákimderiniń orynbasarlary, TJD bastyqtary qatysty.
Jetekshilik etetin baǵyttar boıynsha jumys týraly Ekologıa jáne tabıǵı resýrstar, oqý-aǵartý vıse-mınıstrleri jáne TJM laýazymdy mamandary sóz sóıledi. Olar joǵaryda atalǵan tótenshe jaǵdaılardyń aldyn alý boıynsha qabyldanyp jatqan sharalar týraly baıandady.
Otyrys qorytyndysy boıynsha vıse-mınıstr múddeli memlekettik organdarǵa halyqtyń qaýipsizdigin qamtamasyz etý boıynsha barlyq aldyn ala sharalardy qabyldaýdy tapsyrdy.
Komısıa otyrysynyń sońynda hattamalyq sheshim qabyldandy.