Qazaqstandaǵy jastar arasynda eń tanymal áleýmettik jeli belgili boldy. Saýalnamaǵa qatysqandardyń 66,2 paıyzy olardy turaqty qoldanatynyn moıyndaǵan, dep habarlaıdy Aqshamnews.kz Energyprom.kz monıtorıńtik agenttik deregine silteme jasap.
Platformalar arasynda kóshbasshy - WhatsApp: respondentterdiń 89,4 paıyzy atalmysh jelini belsendi paıdalanady. Ekinshi orynda - Instagram (79,8%), úshinshi - TikTok (63,9%). Sırek tańdalatyndary - Telegram (24,6%), Facebook (9,1%) jáne "VKontakte" (4,7%).
Qazaqstandyq jastar jeliden kóbine aqparattyq kontentti (69,2%) jáne oıyn-saýyq vıdeolaryn (60,6%) kóredi. 14–18 jastaǵylar rolıkter men memderge kóbirek qyzyqsa, 19–23 jastaǵylar jańalyqtardy jıirek tańdaıdy, al 28 jasqa deıingi aǵa býyn jarnamalyq jáne tartýshy kontentke beıim.
DataReportal deregi boıynsha, 2025 jyldyń basynda Qazaqstanda ınternet qoldanýshylarynyń sany 19,2 mln adamǵa jetip, halyqtyń jalpy sanynyń 92,9 paıyzyna teń boldy.
Sonymen qatar, osy jyldyń qańtarynda elde áleýmettik jelilerdiń 15,7 mln qoldanýshysy tirkeldi (halyqtyń 75,7%). QR-daǵy áleýmettik jeli qoldanýshylarynyń jalpy sany 2024 jyldyń basynan 2025 jyldyń basyna deıin 11,2 paıyzǵa (nemese 1,6 mln adamǵa) ósken.