Atlant muhıtynda qurdymǵa ketken súńgýir qaıyqtyń bólshekteri tabyldy.
Bortynda bolǵan týrıser qaza tapqan. AQSH jaǵalaý kúzeti osylaı dep málimdedi, dep habarlaıdy Almaty-akshamy.kz. Olardyń denesin tabý qıynǵa soǵady. Sý túbindegi qolaısyz orta mundaı operasıa júrgizýge kedergi týǵyzdy. «Tıtannyń» kúıreýine baılanysty túrli pikir bar. «Tıtanık» jatqan tereńge 33 márte súńgigen Djeıms Kemeron týrdy uıymdastyrǵan kompanıaǵa buǵan deıin saıahattyń qaýipti ekenin eskertkenin málimdedi, dep jazdy qazaqstan.tv.
«Tıtanmen» tereńge súńgigen týrıser tiri tabylar degen úmit úzildi. Súńgýir qaıyqty izdeýge birneshe eldiń qutqarýshylary qatysqan edi. Olar batıskafty ondaǵy ottegi qory bitpeı turyp tabý úshin 5 kún boıy 30 myń sharshy shaqyrymdaı aýmaqty súzip shyqqan.
Búgin qashyqtan basqarylatyn ROV apparaty Tıtanık jatqan jerden shamamen 488 metr qashyqtyqta shaǵyn súńgúr qaıyǵynyń artqy qaqpasyn tapty, -dedi AQSH jaǵalaý kúzetiniń kontr-admıraly Djon Maýger.
Batıskaf apatynan fransýz ǵalymy, ulybrıtanıalyq mıllıarder, pákistandyq bıznesmen men onyń uly, sondaı-aq muhıt asty saıahatyn uıymdastyrǵan kompanıa basshysy qaza tapty. Osy «OýshenGeıttiń» negizin qalaýshy marqum Stokton Rashtyń jubaıy 1912 jyly «Tıtanık» kemesi apatynda qaza tapqan erli-zaıyptynyń shópshegi eken. Attas fılmde Djeıms Kemeron ekeýiniń mahabbat hıkaıasyn baıandaǵan edi.
Qaıǵyly oqıǵa. «Tıtanık» taǵy 5 adamnyń ómirin jalmady,-deıdi Nú-Iork turǵynyReı Gaı.
Batıskaf mısıasy bastalǵannan keıin 1 saǵat 45 mınýt ótkende onymen baılanys úzildi. Apparat muhıttaǵy qysymǵa shydas bermeı, birden jarylyp ketse kerek.
Bir sekýntta joq boldy. Meniń oıymsha, eshkim ne bolǵanyn túsinbeı de qaldy, -deıdi Teńiz tehnologıasy súńgýir kólikter komıtetiniń tóraǵasy Ýıll Konen.
Súńgýir kóliktiń tıtannan jasalǵan korpýsy berik emes ári sý ótkizýi múmkin ekeni buǵan deıin eskertilgen. «Tıtanık» fılminiń rejıseri Djeıms Kemeronnyń aıtýynsha, apparat sertıfıkattaýdan ótpegen.
Synaqtan ótip jatqan kólikti týrıserdi tasýǵa paıdalanǵan durys emes. «Tıtanık» pen «Tıtan» tragedıalary eskertýlerge qulaq aspaýdan boldy,-degen pikirin bildirdi kınorejısser Djeıms Kemeron.
Alaıda Marqum Stokton Rashpen birge «Oýshengeıt» kompanıasynyń negizin qalaǵan adam muny joqqa shyǵardy.
Ózgeler Tıtan 14 jyl boıy qurastyrylǵanyn eskermeıdi. NASA, Boıngpen jumys istedik. Sońǵy jyldary ǵylymı ekspedısıalarda qoldanyldy, dedi Oceangate kompanıasynyń negizin qalaýshyGılermo Sonleın.
Biraq Sonleın tereńge súńgıtin apparattarǵa arnalǵan erejeler jetkiliksiz ekenin moıyndady. Onyń sózinshe, muhıt týrızmin durys damytý úshin aldymen bul salany tereńirek zerttep, sertıfıkattaý talaptaryn kúsheıtý mańyzdy.