Kompanıa saıtynda buǵan deıin onyń zertteý jáne komersıalyq qyzmetin toqtatqany týraly habarlama jarıalanǵan bolatyn.
«Tıtan» batıskafyn ıelenýshi OceanGate kompanıasy barlyq áleýmettik jelidegi paraqshalaryn óshirdi, dep habarlaıdy Almaty-akshamy.kz QazAqparatqa silteme jasap.
Buǵan deıin OceanGate Expeditions kompanıasynyń Facebook, Instagram, Twitter jáne LinkedIn jelilerinde paraqshalary bolǵan edi. 14 shilde kúni onyń bári óshirilgen.
19 maýsym kúni «Tıtanık» kemesi sýǵa batqan aımaqqa sapar jasaıtyn «Tıtan» súńgýir apparaty Atlant muhıtynda joǵalyp ketken.
22 maýsymda AQSH-tyń Jaǵalaý qyzmeti joǵalǵan «Tıtan» batıskafyn izdeý aýmaǵynda qırandylar tabylǵanyn málim etti. Keıin súńgýir apparaty tıesili OceanGate kompanıasy málimdeme jasap, batıskafta bolǵan ekıpaj qaza bolǵanyn habarlady.
Batıskaf bortynda 5 adam boldy: 58 jastaǵy brıtandyq bıznesmen ári zertteýshi Hemısh Hardıng, 48 jastaǵy bıznesmen, pákistandyq Shahzada Davýd pen onyń 19 jastaǵy uly Sýleman, OceanGate kompanıasynyń 61 jastaǵy dırektory Stokton Rash jáne 77 jastaǵy fransýzdyq zertteýshi Pol-Anrı Narjole.