Almaty oblysynda azamattar 40-tan astam qarýdy polısıaǵa tapsyrdy, – dep habarlaıdy almaty-akshamy.kz
22 sáýirden 28 mamyr aralyǵynda tirkelmegen qarýdy halyqtan satyp alý aksıasyn ótkizý kezinde Almaty oblysynyń ishki ister organdaryna 44 birlik qarý tapsyryldy Bul týraly oblystyq ákimshilik polısıa basqarmasy bastyǵynyń mindetin atqarýshy Erkebulan Ahmetov óńirlik komýnıkasıalar qyzmetiniń alańynda ótken brıfıńte aıtty.
– Aksıanyń maqsaty – qoǵamdyq qaýipsizdikti nyǵaıtý jáne qarýly qylmystar jasaý qaýpin azaıtý. Ol jyl saıyn ótkiziledi jáne óziniń tıimdiligin dáleldedi: qarý-jaraqpen jasalǵan qylmystar men quqyq buzýshylyqtar sanynyń aıtarlyqtaı tómendeýi baıqalady. Sonymen qatar tirkelmegen qarýdy erikti túrde tapsyrý azamattarǵa 100 AEK-ke deıin qosymsha aqshalaı syıaqy alýǵa múmkindik beredi. Bul joly qarýdy satyp alýǵa úsh mıllıonnan astam búdjet qarajaty bólindi, – dep atap ótti Erkebulan Ahmetov.
Aksıany ótkizý kezinde azamattardan barlyǵy 44 birlik tirkelmegen qarý, onyń ishinde 11 – myltyq, 32 – tegis uńǵyly jáne bir birlik travmatıkalyq qarý satyp alyndy.
– Esterińizge sala keteıik, qarý men oq-dárilerdi tapsyrǵan adamdar qylmystyq jaýapkershilikten bosatylady, al zańsyz saqtalǵan qarý men oq-dárilerdi erikti túrde tapsyrmaǵan azamattar ony tapqan kezde qoldanystaǵy zańnamaǵa sáıkes jaýapqa tartylady, – dep tolyqtyrdy E. Ahmetov.