Jitiqarada áıel órt qaýipsizdigi talaptaryn buzǵany úshin 5 jylǵa bas bostandyǵynan aıyryldy, dep habarlaıdy aqshamnews.kz
İs materıaldaryna sáıkes, qaıǵyly oqıǵa bolǵan kúni áıel balalaryn qaraýsyz qaldyryp, úlken ulyna pesh jaǵýdy tapsyrǵan. Bala aǵash, kómir jáne turmystyq qoqystardy jaqqan, biraq sonymen qatar peshtiń janynda turǵan belgisiz suıyqtyq quıylǵan plasık bótelkeni otqa tastap jibergen. Nátıjesinde úıge órt shyǵyp, bes bala kóz jumǵan.
Áıel kinásin tolyq moıyndap, istegen isine ókinetinin aıtyp, ózine jazanyń jeńildetilýin ótingen. Alaıda, qazirgi tańda onyń kámeletke tolmaǵan balasy bolýyna baılanysty jazanyń oryndalýy keıinge qaldyrylǵan.
Úkim áli de zańdy kúshine engen joq.