Depýtat vıse-premer Altaı Kólginovke depýtattyq saýal joldady.
Amanjol Áltaı kámeletke tolmaǵandardyń TikTok-ty paıdalanýyna tyıym salýdy usyndy, dep habarlaıdy Almaty-akshamy.kz
Depýtat óz sózinde sońǵy kezderi jasóspirimder arasynda jantúrshigerlik oqıǵalardyń jıilep ketýi bala tárbıesiniń mektepte, otbasynda jáne qazirgi qoǵamda áli de bolsa sheshimin tappaı kele jatqanyn aıǵaqtaıtynyn atap ótti.
"Túrkistandaǵy mektep oqýshysynyń ólimi, Qazalyda oqýshyny tepkilegen jasóspirimderdiń ádepsiz áreketi, Óskemende qyzdy aýyr soqqyǵa jyǵý oqıǵalary - meniń búgingi ýaıymym", - dedi depýtat.
Májilismen İshki ister mınıstrliginiń kámeletke tolmaǵandar isteri jónindegi ýchaskelik polısıa ınspektorlarynyń qyzmetin uıymdastyrý qaǵıdattaryn qaıta qaraýdy, sondaı-aq Oqý-aǵartý mınıstrligine mektepterdegi muǵalimderdiń akademıalyq bilimin ǵana emes, balalarǵa beriletin bilim deńgeıin, balalarmen qarym-qatynasyn baǵalaý tetikterin engizýdi usyndy.
"Áleýmettik muǵalim, synyp jetekshisi is-sharalardy uıymdastyrý prınsıpterin qaıta qaraýy kerek. Qazaqstanda balalarǵa sheksiz qyzmet kórsetetin TikTok áleýmettik jelisin kámeletke tolmaǵandar arasynda paıdalanýǵa tyıym salý kerek", - dep túıindedi sózin Amanjol Altaı.