Almaty qalasynyń №7 qalalyq klınıkalyq aýrýhanasynyń proktologtary men ýrologtarynan quralǵan kópbeıindi brıgadasy tik ishektiń týa bitken aqaýy – óte sırek kezdesetin patologıasy bar 33 jastaǵy naýqasqa birneshe hırýrgıalyq operasıa jasap, bári sátimen ótken. Bul keń aýqymdaǵy biregeı jáne qıyn operasıa dep habarlady aýrýhananyń baspasóz qyzmeti.
Pasıenttiń artqy ótistiń týa bitken biteýligine (tik ishek), 3-dárejeli artqy ótis sfınkterdiń jetkiliksizdigine baılanysty múgedektigi bar. Bala kezinde eki ret proktoplastıka jasalǵan. Analdy sfınkterdiń bolmaýyna baılanysty dárigerler ishtiń aldyńǵy qabyrǵasyna sıkldik sıgmostoma shyǵardy. Keıinnen ishekte jylankóz paıda boldy, ol alynyp tastaldy, biraq ol qaıtalap shyǵady.
Naýqastyń aıtýynsha, keıingi jyldary onyń jaǵdaıy qatty nasharlaǵan, aýrýdyń asqynýy saldarynan zár toqtamaý, ishektiń quramy, shyryshtyń únemi bólinýi, qýyqtyń aýyrsynýy paıda bolǵan. Naýqas zárdi tik ishek arqyly jáne ishinara qýyq arqyly shyǵarady. Turǵylyqty mekenjaıy boıynsha proktolog pen ýrologtyń «D» esebinde turady. Naýqasyna baılanysty ol úılený, otbasyn qurý týraly armandaı da almady. Talaı klınıkalarǵa medısınalyq kómekke júgingen, eshqandaı naqty kómek bolmaǵan. Sóıtip №7 QKA-synyń mamandaryna kelgen.
«Operasıa aldyndaǵy daıyndyqtan keıin biz ýrolog-áriptesterimizben jáne anestezıologtarmen birge pasıentti operasıaǵa qabyldadyq. Ýretroplastıka. Qaıta qaraý. Paraleldi túrde tómengi ampýlárly qurylymnyń komıssýrasyn bólshekteý. Tas shyǵarý. Tik ishek aqaýyn jóndeý. Tik ishektiń prolapsty shyryshty qabyǵynan artyq shyryshty sheńber túrinde kesip, sfınkteroplastıka jasadyq. Bul kezde ýretraldy jylankózdi jergilikti sylý, adgezıalyq prosestiń dısseksıasy jasaldy jáne tik ishekten «tas» alyndy. Oryn alǵan tehnıkalyq qıyndyqtarǵa qaramastan, shamamen 5 saǵatqa sozylǵan operasıa sátti ótti. Naýqas ońaltý kezeńinde. Bolashaqta jambas qabatynyń, analdy sfınkterdiń bulshyq etterin nyǵaıtýmen aınalysý kerek», – dedi №7 QKA koloproktologıa bóliminiń meńgerýshisi Marat Qalenbaev.