Syrtqy ister mınıstrliginiń resmı ókili Aıbek Smadıarovtyń málimdemesi.
Qazaqstan Keosaıanǵa «persona non grata» statýsyn berý prosesin bastady, dep habarlaıdy Almaty-akshamy.kz QazAqparatqa silteme jasap.
«Biz sol kúni-aq Keosaıandy elimizge kelgenin qalamaıtyn tulǵalar tizimine kirgizý prosesin bastap kettik. Dıplomatıalyq tájirıbede mundaıdy keıde qoldanamyz», - dedi QR Syrtqy ister mınıstrliginiń resmı ókili Aıbek Smadıarov.
Eske sala keteıik, biz osyǵan deıin reseılik jýrnalıs Keosaıannyń Qazaqstanǵa kirýine tyıym salynýy múmkin ekenin habarlaǵan edik.
«Reseılik jýrnalıs Tıgran Keosaıannyń qorlaıtyn, obektıvti emes sózderi nazarymyzdy aýdaryp otyr. Múmkin, onyń málimdemesi Reseı qoǵamy men saıası ısteblıshmenttiń belgili bir bóliginiń kózqarasyn kórsetetin shyǵar. Biraq elderimiz arasyndaǵy yntymaqtastyq rýhy men mazmunyna jáne memleket basshylary deńgeıindegi kelisimderge múldem sáıkes kelmeıdi. Mundaı sózder tatý kórshilik qarym-qatynasymyzǵa selkeý túsiredi jáne strategıalyq seriktestigimizge qarsylarǵa qolaıly bolmaq. Ol Qazaqstanǵa kelýi quptalmaıtyn adamdardyń tizimine engiziledi dep oılaımyn», - dedi Aıbek Smadıarov.