Tesla elektr kóligin satyp alǵysy kelgenderdiń joly boldy. Elektromobıl óndirýshisi 2023 jyldyń basynan beri baǵany tómendetti.
Foto Tesla saıtynan alyndy
Bul - jyl basynan beri AQSH-ta Tesla kólikteriniń baǵasynyń besinshi tómendeýi. Amerıka Qurama Shtattary qatań erejelerge baılanysty keıbir nóldik shyǵaryndylary bar kólikterge salyq nesıelerin qysqartýǵa jáne keıbir jaǵdaılarda joıýǵa nıetti ekenin eskersek, bul baǵany tómendetý ýaqyty da qyzyqty.
Sarapshylar Tesla-nyń kezekti ret baǵany tómendetýi naryqtaǵy kompanıanyń úlesi men tabysyna áser etýi múmkin dep boljaıdy. Sáýirdegi baǵanyń tómendeýi Tesla-nyń birinshi toqsandaǵy nátıjelerine baılanysty boldy. Onda kompanıa jalpy kólik jóneltilimderiniń 4%-ǵa óskenin rastady.
Foto Getty Images saıtynan alyndy. Avtory: Spencer Platt
Tesla 2023 jyldyń birinshi toqsanynda 423 000-nan astam kólik satqan jáne 2023 jyldyń sońyna deıin 1,8 mıllıonnan astam kólik satýǵa úmittenedi. Tesla AQSH naryǵyna kóńil bólýdi jalǵastyryp jatqanymen, kompanıa Qytaı, Eýropa jáne Azıanyń qalǵan bóligi sıaqty basqa áleýeti joǵary naryqta da suranystyń artqanyn kórip otyr.
Jańa Tesla modelderi qansha turady?
Tesla-nyń eń arzan usynysy, Tesla Model 3 (artqy jetekti konfıgýrasıada) qazir $41,990-dan bastalady, eski baǵa $42,990 bolǵan. AWD modeliniń burynǵy baǵasy 53 990 dollardan qazir 52 990 dollarǵa tústi.
Tesla Model Y Long Range endi 52 990 dollardan bastalady. Buryn ol 54 990 dollardan joǵary satyldy. Iaǵnı, model 2 000 dollarǵa arzandady. Tesla Model Y Performance ta 2000 dollarǵa arzan satylady, burynǵy baǵasy 58 990 dollardan qazirgi 56 990 dollarǵa deıin.
Foto Tesla saıtynan alyndy
Qosarlanǵan AWD konfıgýrasıadaǵy Tesla Model S baǵasy 5000 dollarǵa tómendedi. Bul model qazir 89 990 dollardyń ornyna 84 990 dollardan satyla bastalady. Sol sıaqty, Model S-tiń úsh motorly, tolyq jetekti nusqasy 109 990 dollardan 104 990 dollarǵa deıin tómendedi, 5 000 dollarǵa arzandady.
Tesla sonymen qatar Model X jelisindegi baǵalardy da tómendetti, bul modeldiń qos motorly, tolyq jetekti nusqasyn qazir 94 990 dollarǵa (buryn 99 990 dollar) satyp alýǵa bolady. Model X Plaid de Model S Plaid-pen birdeı baǵalanǵan, ekeýi de $109,990-dan 104,990 dollarǵa deıin arzandady.
Foto autotesla.ru saıtynan alyndy
Qarapaıym tutynýshy baǵanyń mundaı tómendeýine qýansa da, bul qadam Tesla básekelesterine qalaı áser etetini belgisiz. Olar da baǵany tómen jyljyta ma, álde burynǵy baǵamen qala ma? Qaıtkende de elektromobıl múmkindikteri keńeıgen saıyn naryqtaǵy baǵanyń tómendeý úrdisi jalǵasyp keledi.