Qazaqstan Prezıdenti Qasym-Jomart Toqaev Máskeýdegi oqıǵaǵa qatysty osylaı dedi.
Ol BUU-ǵa múshe memleketterdi jazyqsyz azamattarǵa qarsy zorlyq-zombylyqtyń bul túrine biraýyzdan qarsylyq tanytýǵa shaqyrdy, dep habarlaıdy Almaty-akshamy.kz Aqordaǵa silteme jasap.
«Qazaqstan Máskeýdegi beıbit azamattarǵa qarsy terorıstik aktini qatań aıyptaıdy», – dep málimdedi Prezıdent Qasym-Jomart Toqaev.
Memleket basshysy terorızmdi múlde aqtaýǵa bolmaıdy dep sanaıdy. Ol BUU-ǵa múshe memleketterdi jazyqsyz azamattarǵa qarsy zorlyq-zombylyqtyń bul túrine biraýyzdan qarsylyq tanytýǵa shaqyrdy.
Prezıdenttiń tapsyrmasy boıynsha, qajet bolǵan jaǵdaıda, Qazaqstannyń quqyq qorǵaý organdary reseılik áriptesterine kómek kórsetedi.
Sonymen qatar Qazaqstan Prezıdenti lańkestik áreket kezinde azamattardyń qaza tabýyna baılanysty Reseı Prezıdenti Vladımır Pýtınge kóńil aıtty.