Terorıstik sıpattaǵy qylmystar jasaǵany úshin Qazaqstannyń úsh azamaty sottaldy, dep habarlaıdy almaty-akshamy.kz.
Ulttyq qaýipsizdik komıtetiniń málimetinshe, 3 jáne 7 maýsymda Shymkent qalasynyń qylmystyq ister jónindegi mamandandyrylǵan aýdanaralyq soty terorızmdi nasıhattaý faktisi boıynsha eki jergilikti turǵynǵa árqaısysyna 7 jyl bas bostandyǵynan aıyrý týraly sheshim shyǵardy. Olardyń aınalasyndaǵylar messendjerler men áleýmettik jeliler arqyly radıkaldy dinı materıaldardy taratqany anyqtaldy.
Sonymen birge 11 maýsymda Astana qalasynyń qylmystyq ister jónindegi aýdanaralyq soty osyǵan uqsas qylmysy úshin túrmede otyrǵan elorda turǵynyn 6 jylǵa qosymsha bas bostandyǵynan aıyrdy. Ol bıylǵy aqpanda bılikti basyp alýǵa, terorıstik topty qurýǵa jáne basqarýǵa, terorıstik áreketti uıymdastyrý maqsatynda úı jaldaýǵa, terorızmdi nasıhattaýǵa jáne qarjylandyrýǵa kópshilikti shaqyrǵany úshin 20 jylǵa sottalǵan bolatyn.
Tergeý ızolátorynda bolǵan ýaqytynda ol zańsyz áreketterin toqtatpaı, kameralastaryna terorızm ıdeologıasyn taratýǵa tyrysqan.