Medeý aýdanynda jaıly qalalyq ortany qurý boıynsha qarqyndy jumys jalǵasýda, dep habarlaıdy almaty-akshamy.kz
«Samal-1» shaǵyn aýdanyndaǵy «Jýrnalıser» skverin rekonstrýksıalaý jáne Ospanov kóshesindegi jaıaý júrginshiler aımaǵynyń qurylysy aıaqtaldy.
Bıyl naýryz aıynyń sońyna deıin turǵyndardyń ótinishi boıynsha bastalǵan «Alataý» shaǵyn aýdanyndaǵy skeıtparktiń qurylysy aıaqtalady.
Qoǵamdyq keńistikterdi damytý sheńberinde Tereńqurda demalýǵa barynsha qolaıly jáne tartymdy aımaq qurylady. Joba sonymen qatar zamanaýı amfıteatr men jaıaý júrginshiler kópirin salýdy, toǵandy abattandyrýdy, balalar men sport alańdaryn ornatýdy kózdeıdi. Jobalaý-smetalyq qujattamany osy jyldyń I-shi toqsanynda aıaqtaý josparlanǵan.
2023 jyldyń qarasha aıynda qalamyzdyń kórikti nyshandarynyń biri – «Kóktóbe» telemunarasyn sáýlettik-kórkemdik jaryqtandyrýdy bezendirý boıynsha daıyndyq jumystary bastaldy. Qurylys-montajdaý jumystarynyń aıaqtalýy – osy jyldyń mamyr aıy