Prosteev qalasynda (Chehıa) 14 jasqa deıingiler arasynda komandalyq álem chempıonaty (2022 ITF World Junior Tennis Finals) jalǵasýda, dep habarlaıdy Almaty-akshamy.kz Qazaqstan tenıs federasıasynyń baspasóz qyzmetine silteme jasap.
Jarystyń ekinshi kúni qazaqstandyq jasóspirimder 2016 jylǵy álem chempıony – Argentına quramasyn utty. Qazaqstan quramasynyń kapıtany Sergeı Kvak bul joly Bendjamın Chelıaǵa qarsy quramanyń úshinshi nómirli oıynshysy Danıel Tazabekovti shyǵardy. Bendjamın keshe 2021 jylǵy álem chempıony Italıamen ótken machta komandasyna mańyzdy eki upaıdy áperdi. Áýeli jekeleı, sosyn juptyq básekede utty. Tazabekov oıyn tizginin ýysynan shyǵarmaı, 7:5, 6:2 esebimen jeńiske jetti. Sodan keıin Zańǵar Nurlanuly Argentına quramasynyń kóshbasshysy Dante Paganımen oınady. Birinshi partıada Zańǵar 6:2 esebimen basym tústi. Alaıda qalǵan eki sette argentınalyq tenısshi sátti óner kórsetti – 6:1, 6:1. Mach taǵdyry juptyq básekede sheshildi. Damır Jalǵasbaı men Danıel Tazabekov Dante Paganı – Bendjamın Chelıany tize búktirdi – 6:1, 6:4.
Osylaısha, qazaqstandyqtar qarsylas komandany 2:1 esebimen qapy qaldyrdy. Shırek fınalǵa shyǵý úshin qazaqstandyqtar erteń Italıa quramasyn jeńýi kerek.