Qazaqstandyq 15-jasar Zańǵar Nurlanuly Túrkıanyń Izmır qalasynda ótken ITF Juniors J100 týrnıriniń jeńimpazy atandy.
Bul týraly federasıanyń baspasóz qyzmeti málimdedi.
Qazaqstandyq tenısshi fınalda Túrkıanyń jasóspirimder arasyndaǵy úzdigi, osy jarystyń 1-raketkasy Melıh Anavatandy tartysty machta 3:6, 7:5, 6:2 esebimen utty.
Zańǵar Nurlanuly fınalǵa barar jolda Túrkıanyń taǵy eki ókilinen aılasyn asyrdy.
«Fınaldyq báseke óte tartysty boldy. Birinshi sette ese jibergennen keıin ekinshi partıada joǵary oıyn deńgeıin kórsete aldym. Qorytyndysynda jeńiske jetip, jekeleı synda 2024 jyldaǵy alǵashqy tıtýlyma qol jetkizgenime qýanyshtymyn», - dedi Zańǵar Nurlanuly.
Bul – Zańǵardyń jekeleı synda ITF Juniors jarystaryndaǵy úshinshi tabysy. Ótken jyly ol Armenıa men Slovakıada dál osyndaı dodalarda úzdik shyqqan edi.