Qazaqstan qor bırjasyndaǵy ortasha baǵam 473 teńge 95 tıynǵa teńesti.
Juma kúngi derektermen salystyrǵanda, tól valútamyz dollarǵa shaqqanda 3 teńgege kúsheıgen. Qarjy sarapshysy Andreı Chebotarev muny salyq aptalyǵymen baılanystyrady, dep habarlaıdy Almaty-akshamy.kz Qazaqtv.com saıtyna silteme jasap.
Sarapshy munaıdyń arzandaýy, dollar ındeksiniń ósýi sekildi teris syrtqy faktorlar bolǵanymen, bul qysymdar teńgege áser etpeıtinin jetkizdi. Onyń aıtýynsha, dollar valútasy baǵamynyń aldyn ala álsireýi syrtqy kúızelisterdiń saldaryn bildirtpeý maqsatynda qolǵa alynǵan. Bul boljamda aǵymdaǵy jyldyń búdjet parametrleri eskerilgen. Túzetýden keıin esep aıyrysý baǵamy bir dollar úshin 460 teńge deńgeıinde belgilendi. Chebotarevtiń pikirinshe, jańa syrtqy tolqýlar bolmasa, ulttyq valúta osy aralyqta turaqtap qalýy ábden múmkin.