6,8%-ǵa nyǵaıdy.
Mamyr aıynyń qorytyndysy boıynsha, teńge baǵamy 1 dollar úshin 415,16 teńgege deıin nemese 6,8%-ǵa nyǵaıdy, dep habarlaıdy Almaty-akshamy.kz Ulttyq bankke silteme jasap.
Saýda-sattyqtyń jalpy kólemi 2,2 mlrd AQSH dollary bolǵan kezde Qazaqstan qor bırjasyndaǵy saýda-sattyqtyń ortasha kúndik kólemi 115 mln AQSH dollaryn qurady.
«Ulttyq valútanyń nyǵaıýyna birqatar faktor áser etti, onyń ishinde: energıa tasymaldaýshylardyń turaqty joǵary baǵasy men eksporttaýshylardyń salyqtyq tólemder kezeńi, jeke tulǵalar tarapynan shetel valútasyna suranystyń tómendeýine baılanysty naryqqa qatysýshylardyń sentımentiniń ózgerýi, reseı rýbliniń de, tutastaı alǵanda, damýshy elderdegi valútalardyń baǵamy da bar. Sonymen qatar valúta naryǵyndaǵy usynys kólemi mamyrda, shamamen, 598 mln AQSH dollaryn quraǵan kvazımemlekettik sektor sýbektileriniń valútalyq túsimdi satýy esebinen qoldaý tapty», delingen Ulttyq Banktiń habarlamasynda.