Temirtaýda "Aıgólek" balabaqshasynyń tárbıeshisi ishimdik iship, jumysqa kelip, balalardy shoshytqan, dep habarlaıdy aqshamnews.kz Patrıot telegram kanalyna silteme jasap.
Oqıǵa 30 qyrkúıekte bolǵanymen, ata-analar bul týraly endi ǵana jarıalady.
Dúısenbi kúni, 30 qyrkúıekte, polısıaǵa balabaqshada tárbıeshiniń balalarǵa dóreki minez kórsetip, mas kúıde júrgeni týraly anonımdi qońyraý tústi. Polısıa qyzmetkerleri kelgennen keıin tárbıeshini medısınalyq tekserýge alyp ketti.
Qyzmetkerdiń mas bolý deńgeıi týraly tekserý aıaqtalǵanǵa deıin jarıalanbaıdy.
Bul oqıǵadan habardar bolǵan ata-analar kelesi kúni balabaqshaǵa kelip, kameradaǵy jazbalardy qarap shyqty. Vıdeoda tárbıeshiniń teńselip júrgeni, balalardyń qoldarynan ustap, olardy pıjamamen uryp jatqany baıqalady. Sondaı-aq, tárbıeshini polıseılerdiń ǵımarattan shyǵaryp jatqany kórinedi. Alaıda, ata-analarǵa dál osy sáttiń vıdeojazbasyn kóshirýge ruqsat berilmedi.
Temirtaý qalasynyń bilim bólimi "Patrıot" saıtyna túsinikteme berdi. Olardyń aıtýynsha, oqıǵaǵa qatysty qyzmettik tekserý bastalǵan.
"Memlekettik "Aıgólek" balabaqshasynda oryn alǵan oqıǵa boıynsha qyzmettik tekserý júrgizilýde. Tárbıeshi jumystan shettetildi. Qyzmettik tekserý nátıjesinde laýazymdy tulǵalarǵa qatysty obektıvti sharalar qoldanylady, onyń ishinde jumystan bosatý múmkindigi de bar", - dep habarlady vedomstvodan.