QR Premer-Mınıstri Álıhan Smaıylovtyń tóraǵalyǵymen ótken Ekonomıkany demonopolızasıalaý jónindegi komısıada temirjol tasymaly jáne densaýlyq saqtaý salasyndaǵy keıbir kásiporyndy memleket menshigine qaıtarý máseleleri qaraldy.
Úkimet basshysyna temirjol ınfraqurylymynyń birqatar nysanyn memleket menshigine qaıtarý barysy týraly baıandaldy, olardy básekege qabiletti ortaǵa berý týraly mámile sot tarapynan jaramsyz dep tanyldy.
Atap aıtqanda, senip tapsyrylǵan múlikti ysyrap etý faktileri anyqtaldy. Qylmystyq is aıasynda tergeý organdary túpkilikti prosesýaldyq sheshim qabyldanǵanǵa deıin QTJ basqarmasyna bere otyryp, aktıvterge tyıym saldy. Múlik keshenin qorǵaý qamtamasyz etildi.
Premer-Mınıstr respýblıkanyń basqa óńirinde uqsas nysandar boıynsha jumysty kúsheıtýdi tapsyryp, tıisti kásiporyndar qyzmetkerleriniń barlyq tehnologıalyq prosesi men qyzmetin saqtaýdyń mańyzyn atap ótti.
Sonymen qatar otyrysta densaýlyq saqtaý salasyndaǵy uıymdy respýblıka menshigine qaıtarý máselesi qaraldy.
Aldyn ala málimetter boıynsha aktıvti basqarýdy óz moınyna alǵan jekemenshik kompanıa uzaq ýaqyt boıy óz fýnksıalaryn oryndamaı kelgen jáne kelisilgen ınvestısıalyq baǵdarlamanyń sharttaryn buzǵan.
Talqylaý qorytyndysy boıynsha basqarý tıimdiligine tekserý júrgizý úshin vedomstvoaralyq komısıa qurý týraly sheshim qabyldandy. Onyń nátıjeleri boıynsha shartty buzýdyń jáne aktıvti memleket menshigine qaıtarýdyń durystyǵy týraly sheshim qabyldanatyn bolady.