Qaterli isik aýrýyn zetteý boıynsha halyqarlyq agenttigi temeki shegýdiń zıany jaıly zertteý júrgizdi.
Ǵalymdar temeki ónimderin satýǵa tyıym salý 1,2 mln adamnyń ómirin qutqarýy múmkin ekenin atap ótti. Bul týraly The Lancet Public Health ǵylymı jýrnaly jazdy, dep habarlaıdy aqshamnews.kz.
«Jahandyq deńgeıde 2006-2010 jyldary týylǵan halyq arasynda ókpeniń qaterli isiginen 2 951 400 ólim bolýy múmkin dep boljanýda», — dep atap ótti ǵalymdar.
Olar sondaı-aq, eger onkologıalyq aýrýlardyń kórsetkishteri 15 jyldyq úrdisin saqtap qalsa, mundaı nátıje jas urpaqty da kútip turǵanyn atap ótti. Zertteý júrgizý úshin ǵalymdar osy jyldary týylǵan adamdar tobyn alyp, olarǵa temeki satýǵa tolyq tyıym salýdy usyndy.
Tabakty tolyq joıǵan jaǵdaıda, «temekisiz urpaq» tujyrymdamasynyń arqasynda adamdar arasynda ókpeniń qaterli isiginen bolatyn barlyq ólim-jitimniń jalpy sanynan 1 186 500-niń (40,2%) aldyn alýǵa bolady. Bul ásirese tabysy tómen jáne ortasha elderge qatysty, dál sol elderde onkologıalyq jaǵdaı eń qaýipti dep túsindiriledi.
Ǵalymdar qazir temeki shegýden erler ólimi 1 842 900 (62,4%), al áıelder arasynda 1 108 500 (37,6%) bolady dep boljaýda. Zertteýdi júrgizý úshin DDSU-nyń 82 eldiń ókpe obyrynan bolatyn ólim-jitim týraly derekteri jınaldy.
Qyrkúıek aıynda DDSU balalar men jasóspirimderdiń gadjetterdi paıdalanýyn azaıtýǵa shaqyrdy. Uıym,sonymen qatar, tabakty qoldanýda da uqsas shekteýler engizýge shaqyrdy.