Qazaqstandyq tanymal boksshy Angelına Lýkas kásibı bokstaǵy óziniń tarıhı jeńisimen bólisti, dep habarlaıdy aqshamnews.kz.
«Assalaýmaǵaleıkým, Qazaqstan! Búgin men kásibı boksta 12-shi jeńisime qol jetkizdim! IBO nusqasy boıynsha álem chempıony ataǵyn jeńip aldym! Bul shyn máninde tarıhı jekpe-jek boldy! Men Argentınadan kelgen tájirıbeli qarsylasymdy jeńdim! Onyń 21 jekpe-jegi bar, ol WBO nusqasy boıynsha tórt dúrkin álem chempıony. Qazaqstan tarıhynda mundaı bolmaǵan! Men ózimniń bar kúsh-jigerimdi osy jekpe-jekke arnadym! Meniń eń myqty sparrıng seriktesterim boldy, olar meni daıyndady! Men osy ataqty jeńý, armanymdy júzege asyrý úshin bárin jasadym!» – dedi Lýkas jekpe-jekten keıin.
Aıta keteıik, qazaqstandyq sportshy argentınalyq Debora Anaı Lopesti tóreshiler sheshimimen jeńip, álem chempıony ataǵyn ıelendi.