Byltyr jalǵan habarlamalar boıynsha 181 qylmystyq is qozǵalǵan.
Ótken jyly terorızm aktileri boıynsha jalǵan habarlamalar sany artqan, dep habarlaıdy Almaty-akshamy.kz.
Ádette, atalǵan faktilerdi tekserý kóp ýaqyt pen resýrstardy qajet etedi. Oqıǵa ornyna polısıa, qutqarýshylar, kınologtar, órt sóndirýshiler, jedel járdem brıgadalary, jedel tergeý toptary barady. Kásiporyndardyń qalypty jumys rejımi buzylady.
«Bul kúsh pen quraldardyń aıtarlyqtaı aýytqýyna ákeledi, tekseriletin komersıalyq kásiporyndar mıllıondaǵan shyǵynǵa ushyraıdy, terrorlyq shabýyl týraly jalǵan habarlamalar adamdardy evakýasıalaý kezinde dúrbeleń men qurbandyqqa ákelýi múmkin. Quqyq qorǵaý jáne arnaıy organdar osyndaı anonımdi habarlamalardyń avtorlaryn anyqtaý boıynsha sharalar qabyldaıdy. 2022 jyly 25 adam sottaldy», – delingen habarlamada.
Mysaly, 2022 jylǵy shildede Qostanaı oblysynyń turǵyny óz kórshisinen kek alý maqsatynda elektrondyq poshtasyn buzyp, onyń atynan Astana jáne Almaty qalalarynyń 13 nysandaryna (saýda ortalyqtary, áýejaılar, bankter jáne t.b.) terorızm aktisi týraly kórineý jalǵan habarlama jibergeni úshin 1 jyl 6 aıǵa bas bostandyǵynan aıyryldy.
Aıta ketý kerek, quqyqtyq tártipti qorǵaý organdarynda qylmystyq jaýapkershilikke tartý úshin osyndaı quqyq buzýshylardy jedel anyqtaý praktıkalyq tájirbıesi bar.
Tájirıbe kórsetkendeı, qylmyskerler tek el ishinde ǵana emes, odan tys jerlerde de áreket etedi.
Bas prokýratýra múddeli memlekettik organdarmen birlesip kórineý jalǵan terorızm boıynsha qylmystyq jaýaptylyqty kúsheıtý jáne quqyq buzýshylyqtyń osy túrin «aýyr» sanatyna jatqyzý (7 jylǵa deıin bas bostandyǵynan aıyrý merzimi) týraly máseleni pysyqtaýda.