Qurylystaǵy zamanaýı kózqaras jáne jańa tehnologıalar.
Almatyda tekstıldi arhıtektýra boıynsha semınar ótti. Alys-jaqyn shetelderden kelgen dızaınerler men sáýletshiler, qurylysshylar bolashaq birlesken jobalardy talqylap, sońǵy úlgidegi arhıtektýralyq sheshimderdiń aýqymdy áleýetin sóz etti, dep habarlaıdy Almaty-akshamy.kz 24.kz-ke silteme jasap.
Almatydaǵy myna ǵımarattyń qasbetine arhıtektýralyq mata qoldanylǵanyn bireý bilse, bireý bilmeıdi. Nysannyń qabyrǵalary men shatyryna qurylys materıaly retinde arnaıy membranalar paıdalanylǵan. Tekstıldi sáýlet ǵımaratty erekshe etip qana qoımaı, ony kúnnen qorǵaıdy. Qurylystaǵy bul jańa tehnologıany elimizde APS ENGINEERING kompanıasy júzege asyryp keledi.
«APS Injenırıngtiń maqsaty órkenıetti elderdiń jaqsy dúnıelerin osy ozyq tehnologıalaryn Qazqastanǵa alyp kelý. Bizdiń seriktesterimiz Fransıanyń ferarı fırmasy osy tekstıldik arhıtektýra boıynsha, materıaldaryn sol jaqtan alamyz, sol seriktestigi. Al balalar alańynyń oıynshyqtaryn Danıanyń Kompan kompanıasymenen jumys jasaımyz, seriktesimiz, solardyń oıynshyqtaryn osy jerge ákelip qoıamyz», - deıdi APS Engineering JSHS bas dırektordyń orynbasary Serik Satarov.
APS Engineering kompanıasy - kásibı jobalaý toby jáne zamanaýı qurylǵylarmen jabdyqtalǵan óndiriske ıe. Kompanıa Eýropadan tikeleı jetkiziletin joǵary sapaly materıaldarmen jumys isteıdi. Bul tutynýshylarǵa sheteldik kompanıalarǵa júginbeı-aq elimizde joǵary sapaly qyzmet alýǵa múmkindik beredi.
«Biz APS Engineering kompanıasymen 20 jylǵa jýyq seriktes retinde jumys istep kelemiz. Ferrari membranalyq materıaldarynyń tehnıkalyq qasıetteriniń arqasynda bizdiń qazaqstandyq seriktester tutynýshylarǵa kez kelgen pishindegi kúrdeli dızaındy usyna alady. Eń bastysy, biz ártúrli materıaldardy únemi zerttep, jańa sheshimder izdeımiz», - deıdi "Serge Ferrari" kompanıasynyń ókili Harald Shaıbelhýt.
Semınarda sheteldik seriktester qazaqstandyq mamandardy Amsterdamda ótetin keme jasaý kórmesine shaqyrdy. Bul kásipti keńeıtip, jańa baǵyttarǵa jol ashady.