Iassaýı jáne Dastan kósheleriniń qıylysynda opyrylǵan asfálttan soń Almatynyń Qala qurylysyn baqylaý basqarmasy Dostyq shaǵynaýdanynda ınjenerlik jelilerdiń qurylys nysandaryna jospardan tys tekseris júrgizdi, - dep habarlaıdy Aqshamnews.kz.
Tehnıkalyq qadaǵalaý fýnksıalaryn júzege asyrǵan «Alataý sapa qurylys» JSHS-ne tıisti baqylaý júrgizbegeni úshin ákimshilik sharalar qoldanyldy. Tekseris qorytyndysy boıynsha tehnıkalyq qadaǵalaý ózine qatysty qyzmetti durys atqarmaǵany úshin akkredıttelý týraly kýáliginen aıyryldy.
Budan basqa, merdiger uıym – «SPESKOMMÝNSTROI» JSHS-ne qatysty jobalyq sheshimderden aýytqý jáne qurylys salasyndaǵy memlekettik normatıvterdiń talaptaryn saqtamaǵany úshin anyqtalǵan buzýshylyqtardy joıýǵa nusqama bere otyryp, ákimshilik sharalar qabyldandy.
Basqarmada atap ótkendeı, qala ákimi Darhan Satybaldy bergen tapsyrma aıasynda qurylys-montaj jumystarynyń óndirisine baqylaý kúsheıtildi. Aldyńgúni Ábish Kekilbaıuly kóshesinde káriz jelisin qaıta jańartýdy júrgizgen AsiaMax qurylys kompanıasynyń lısenzıasynan aıyrylǵany týraly habarlandy.