NASA: 1 000 002 021 jylǵa qaraı Jer ómir súrýge jaramsyz bolýy múmkin
Japon ǵalymdary NASA mamandarymen birlesip júrgizgen zertteý nátıjeleri boıynsha, shamamen bir mıllıard jyldan keıin Jer planetasy tirshilikke jaramsyz kúıge túsýi múmkin, - dep habarlaıdy Aqshamnews.kz tilshisi
Zertteýshilerdiń aıtýynsha, ýaqyt óte kele Kúnniń jaryqtyǵy men temperatýrasy birtindep artady, bul óz kezeginde muhıttardyń býlanýyna jáne Jerdiń atmosferasynyń buzylýyna ákeledi.
Alaıda ǵalymdar qaýipti ózgerister budan da erterek baıqalýy yqtımal ekenin eskertedi. Mysaly, ekstremaldy kún daýyldary atmosfera quramyna áser etip, ottegi deńgeıin kúrt tómendetýi múmkin. Mundaı jaǵdaıda planetanyń beti tirshilik úshin qolaısyz ortaǵa aınalady.
Mamandardyń pikirinshe, bul máseleden shyǵýdyń bir joly - jabyq avtonomdy ekojúıelerdi qurý jáne Kún júıesinen tys ómirge jaramdy ǵalamsharlardy izdeý. NASA sarapshylary tehnologıa damýynyń arqasynda adamzat Kúnniń áserinen qorǵaný tásilderin taba alady jáne Jerdegi ómirdiń joıylý ýaqytyn aıtarlyqtaı keıinge shegere alady dep senedi.