Jambyl oblysynyń turǵyny eńbek kitapshasyndaǵy famılıasynyń durys jazylmaýyna baılanysty zeınetaqy tólemderin berýden Jambyl oblysy Jýaly aýdandyq zeınetaqy tóleý ortalyǵy bas tartqan, dep habarlaıdy aqshamnews.kz.
Osy jaǵdaıǵa qatysty ol aýdandyq sotqa talap aryz berdi.
Jýaly aýdanynda turatyn azamat 1985 jyldan 1998 jylǵa deıin ujymdyq sharýashylyqta jumys istegen. Jumysshy zeınetaqy qujattaryn resimdeýge kelgen kezde, zeınetaqy ortalyǵy eńbek kitapshasynda famılıasynyń durys jazylmaǵanyn anyqtap, zeınetaqy tólemderin berýden bas tartqan.
Er adam bul máseleni sheshý úshin sotqa júgindi. Jýaly aýdandyq soty arhıvtik anyqtamany qarap, onyń jeke derekterin jáne atalǵan sharýashylyqtaǵy jumysyn rastady.
«Sot talap aryzdy qanaǵattandyryp, eńbek kitapshasynyń sol azamatqa tıesili ekendigin moıyndady», – dep habarlady Jýaly aýdandyq sotynyń baspasóz qyzmeti.
Sot sheshimi áli zańdy kúshine engen joq.