Almaty elektromobıl ıelerine avtokólikterin komýnaldyq turaqtarda tegin qaldyrý úshin qandaı qadamdar jasaý kerektigi aıtyldy, dep habarlaıdy aqshamnews.kz.
2024 jyldyń 18 qyrkúıeginen bastap elektromobılderge arnalǵan tegin turaqqa qatysty jańa zań kúshine enedi. Osyǵan oraı, «Almaty parkıng» komýnaldyq aqyly turaq operatory elektr tartqyshy bar kólik quraldaryn arnaıy tizilimge qosý rásimin túsindirdi.
«Elektromobılderdiń ıeleri komýnaldyq turaqty paıdalanǵany úshin tólemnen bosatylýy úshin tıisti qujattaryn usynýy qajet. Jeńildikter tizilimine qosylý úshin elektromobıl ıeleri «Almaty parkıngi» mekemesine tikeleı júgine alady nemese tehpasporttyń skanerlengen nusqasyn qosyp, «E-Ótinish» portaly arqyly ótinish bere alady», – dep málimdedi kásiporyn.
Kásiporynnyń aıtýynsha, ótinishter men qujattar qaralǵannan keıin, elektr kóligi ıeleriniń derekteri tizilimge qosý týraly sheshim qabyldanady. Ótinimdi qaraý merzimi 15 kúntizbelik kúndi quraıdy, jáne ár ótinish berýshige resmı jaýap beriledi. Bul prosedýrany bir jyldan keıin qaıta ótý kerek, sebebi tizilim jyl saıyn jańartylyp otyrady.