"Pandemıa "omıkronmen" aıaqtalmaıdy" deıdi DDSU Bas hatshysy Tedros Adhanom Gebreıesýs
Bul shtamnan keıin de koronavırýstyń jańa mýtasıalary shyǵady. Dúnıejúzilik densaýlyq saqtaý uıymy osylaı dep eskertti, dep habarlaıdy almaty-akshamy.kz
Birlestik basshysy "indet búgin-erteń joıylmaıdy, sondyqtan bosańsýǵa múlde bolmaıdy" dep málimdegen. Aıtýynsha, "omıkronǵa" shaldyqqan naýqastardyń aýrýy ortasha alǵanda jeńil ótedi, alaıda durys emdelmese, munyń sońy ólimmen aıaqtalýy múmkin. Ótken aptada ǵana 18 mıllıonnan astam adam kovıd juqtyrǵan.
- "Omıkron" álemdi sharlap júr. Ólim-jitim deńgeıi ázirge turaqty. Biraq "omıkron" onsyz da qaljyrap júrgen medısına qyzmetkerlerin ábden dińkeletti. Keıbir elderde juqtyrýshylar sany azaıyp jatýy múmkin, alaıda eshbir memleket qaýipten birjola qutyldyq dep atústi oıǵa berilmesin, - deıdi DDSU Bas hatshysy Tedros Adhanom Gebreıesýs.