Jalpyqalalyq senbilikke shyqqandardyń kóńil-kúıi óte joǵary.
Almatynyń Jeltoqsan saıabaǵynda ótip jatqan senbilikke tanymal ánshi Altaı Óktem de qatysyp, park aımaǵynda tal ekken adamdardyń qatarynda boldy, dep habarlaıdy Almaty-akshamy.kz.
- Búgin qala boıynsha senbilikke jınalyp, sondaı bir keremet merekeniń, meıramnyń ústine kelip jatqanyma óte qýanyshtymyn. Kóńil-kúıimiz óte joǵary. Óıtkeni qolǵa kúrek ustaǵan kezde, boıda qan tarap, atqa mingen qazaq qusap deleben qozady ǵoı. Bala kezdegi ustaǵan kúrekti qazir de ustap, qalanyń tazalyǵyna, jalpy tabıǵatymyzdyń ósýine, aǵashtardyń japyraq jaıýyna úles qosyp, tal egip jatqan jaıymyz bar. Qazaq «bir tal kesseń, on tal ek» dep aıtady ǵoı, búgin halyq arasynda Jeltoqsan saıabaǵynda tal egip jatqanyma qýanyshtymyn, - dedi Altaı Óktem.