Almatylyq zeınetkerler skandınavıalyq serýendeýdi qoqys jınaýmen ushtastyrdy
Almatyda Belsendi uzaq ómir súrý ortalyǵynyń qyzmetkerleri men qyzmet alýshylary «Almaty – bizdiń ortaq úıimiz» qalalyq bastamasy jáne «Taza Qazaqstan» respýblıkalyq baǵdarlamasy aıasynda ótip jatqan «Jarqyn kúz» kúzgi naýqanyn qoldady.
Naýqan aıasynda «Tazalyq – barshamyzǵa ortaq is» atty sporttyq ploggıng ótti. Belsendi uzaq ómir súrý ortalyǵynyń qyzmetkerleri men qyzmet alýshylary skandınavıalyq serýendeýdi qaladaǵy saıabaqtar men skverlerde qoqys jınaýmen ushtastyrdy.
Qart almatylyqtar «Almaty – bizdiń ortaq úıimiz» naýqanyn jalǵastyrǵany úshin qala bıligine alǵys aıtyp, jas urpaqty súıikti qalasyn taza ustap, qorǵaýǵa, úıleriniń aýmaǵyn kútip-baptaýǵa shaqyrdy.
«Qala tazalyǵy barshaǵa kerek jáne bul ortaq is», – deıdi zeınetkerler.
Aıta keteıik, Respýblıka kúnine oraı Belsendi uzaq ómir súrý ortalyqtarynyń barlyq bólimshelerinde merekelik konsertter ótedi.
