#Jyl_qorytyndysy
Memleket basshysy Qasym-Jomart Toqaevtyń bastamasymen bıylǵy sáýir aıynan bastap respýblıkalyq «Taza Qazaqstan» ekologıalyq aksıasy bastaý aldy, dep habarlaıdy aqshamnews.kz
İs-shara elimizdegi ekologıalyq ahýaldy jaqsartýǵa, halyqtyń ekologıalyq mádenıeti deńgeıin arttyrýǵa jáne azamattardy qorshaǵan ortany qorǵaý máselelerine tartýǵa baǵyttalǵan.
Aksıa elimizdiń barlyq óńirin qamtyp, turaqty ekologıalyq bolashaq negizin qalady, 5,83 mln-nan astam adamnyń basyn biriktirdi, bul – el halqynyń edáýir bóligin quraıdy.
İs-shara aıasynda jappaı senbilikter ótkizildi, onyń barysynda 1,1 mln tonnadan astam qoqys jınalyp, 1,6 mln-nan astam aǵash otyrǵyzyldy.
Memlekettik qurylymdar deńgeıinde de, eriktiler men jeke uıymdardy qosa alǵanda, jurtshylyq arasynda da belsendi túrde jumys júrgizildi.
Ruqsat etilmegen qoqys úıindilerin anyqtaý boıynsha reıdter júrgizildi. Aýmaqtyq ekologıa departamentterimen jáne jergilikti bılik organdarymen birlesip kóptegen qoqys orny joıyldy. Bul – ekologıalyq normalardy saqtaýdyń mańyzdy ekenin kórsetip, ekologıalyq turaqty bolashaq qurýǵa negiz qalaıdy.