Respýblıkalyq ekologıalyq aksıa «Taza Qazaqstan» aıasynda elordamyzdyń Baıqońyr aýdanynda kúzgi kógaldandyrý jumystary bastaldy. Atap aıtqanda, Táshenev kóshesiniń boıynda 100 túp qaraǵaı men 30 túp qaıyń otyrǵyzyldy.
Aksıaǵa 100-ge jýyq adam qatysyp, qalanyń ekologıasyn jaqsartýǵa óz úlesin qosty. Olardyń qatarynda Ulttyq ulannyń áskerı qyzmetshileri, jergilikti turǵyndar jáne Baıqońyr aýdany ákimdigi apparatynyń qyzmetkerleri boldy.
İs-sharanyń basty maqsaty – qalanyń ekologıalyq jaǵdaıyn jaqsartý, jasyl jelekter sanyn arttyrý jáne turǵyndardy tabıǵatty aıalaýǵa shaqyrý.
Osyndaı kógaldandyrý jumystary elordanyń basqa aýdandarynda da júrgizilýde. Eske sala ketsek, Astanada 13 qyrkúıekten 11 qazanǵa deıin dástúrli ekologıalyq aılyq ótýde. Bul kezeńde qala turǵyndary men uıymdary aýlalardy, kóshelerdi abattandyrýǵa atsalysa alady.