Jetisýda sot oryndaýshysy alıment tóleýge arnalǵan qarjyny jymqyrǵan, - dep habarlaıdy Aqshamnews.kz tilshisi.
Taldyqorǵanda jeke sot oryndaýshysy zańsyz jolmen baıý sqemasyn qoldanyp, balalardy alımentsiz qaldyrǵan.
Birinshi kezeńde ol alıment tólemderin óndirip alý týraly atqarýshylyq qujattar boıynsha zańdy túrde boryshkerlerdiń jalaqysynan somalardy ustap qalý týraly qaýly shyǵaryp, jumys berýshilerge jibergen.
Odan ári boryshkerlerdiń jumys berýshilerinen aqsha túskennen keıin aqshanyń kóp bóligin ózine qaldyryp, qalǵanyn alıment óndirip alýshylarǵa aýdarǵan.
Mysaly, bir jaǵdaıda sot oryndaýshysy boryshkerdiń jalaqysynan óndirip alýdy 2025 jylǵy sáýirden bastaǵan.
Jumys berýshi sáýirden maýsymǵa deıin jeke sot oryndaýshysynyń shotyna 570 myń teńgeden asa somaǵa alıment tólemderin aýdarǵan.
Sot oryndaýshysy alynǵan somanyń 170 myń teńgesin ǵana óndirip alýshyǵa aýdaryp, qalǵanyn jymqyrǵan.
Tekserý kezinde belgili bolǵandaı, ol osyǵan uqsas sqemany birneshe ret qoldanyp, onyń kómegimen 2 mln teńgeden asa somany qaltasyna salǵan.
Taldyqorǵan qalasynyń prokýratýrasy ókilettigin asyra paıdalaný derekteri boıynsha jeke sot oryndaýshysyna qatysty Qylmystyq kodekstiń 251-babymen sotaldy tergep-tekserýdi bastady.
Jetisýda sot oryndaýshysy alıment tóleýge arnalǵan qarjyny jymqyrǵan
- 15:19, 16 qyrkúıek 2025
Sýret: anatili.kazgazeta.kz