Oqý jyly bastalǵanda balalarǵa birden kúndelikti tártip ornatý ońaı emes. Osyǵan baılanysty mınıstrlik ata-analarǵa birneshe keńes berdi, - dep habarlaıdy Aqshamnews.kz tilshisi.
Durys uıymdastyrylǵan kún tártibi paıdaly ádetter qalyptastyrýǵa, júıke júıesin nyǵaıtýǵa jáne sharshaýdy azaıtýǵa kómektesedi. Negizgi quramdas bólikteri:
- Úı tapsyrmalaryn oryndaý;
- Belsendi oıyndar jáne taza aýada serýendeý;
- Durys tamaqtaný;
- Jas ereksheligine saı tolyq uıqy;
- Qyzyǵýshylyǵyna baılanysty bos ýaqyt.
Úı tapsyrmasy:
- 1–4 synyp oqýshylary úshin – kúnine 1,5–2 saǵattan aspaý kerek;
- 3–4 synyp oqýshylary – 2 saǵatqa deıin;
- Joǵary synyp oqýshylary – 40 mınýt saıyn úzilis jasap, kúnine 3–4 saǵatqa deıin.
Tamaqtaný:
Densaýlyq saqtaý mınıstrliginiń málimetinshe, bala kúnine 4–5 ret, 3,5–4 saǵattan aspaıtyn aralyqpen tamaqtanýy kerek.
Bos ýaqyt:
Mamandar balalarǵa shyǵarmashylyqpen aınalysý nemese hobbı úshin kúnine kem degende 1–2 saǵat bos ýaqyt bólýge keńes beredi.