Jumysshy mamandyqtar jyly: pavlodarlyq jastarǵa tabysty karera úlgileri kórsetildi
Pavlodardaǵy Dostyq úıinde jastar «WorldSkills» chempıonatynyń jeńimpazdarymen kezdesti.
Kezdesýde servıs jáne tamaqtaný kolejiniń stýdentteri men túlekteri óz jetistikterimen bólisti. Olardyń arasynda 2024 jylǵy ulttyq chempıonattyń jeńimpazy Sanjar Zeınýlla da bar. Ol óńirlik jáne respýblıkalyq deńgeıdegi baıqaýlarda top jaryp, Máskeýdiń «Sınergıa» ýnıversıtetinde oqý grantyn ıelendi. Keler jyly ol Shanhaıda ótetin álemdik «WorldSkills» chempıonatynda Qazaqstan namysyn qorǵaıdy.
Sanjardyń aıtýynsha, tabysqa jetýdiń kilti – tózim men eńbek.
Chempıonatqa daıyndyqta oǵan kolej túlegi, birneshe márte jeńimpaz atanǵan Artýr Leıman qoldaý kórsetken. Al taǵy bir túlek – Anatolıı Volokıtın Túrkıada tájirıbeden ótip, halyqaralyq sertıfıkatqa ıe bolǵan.
Oblystyq QHA jastar qanatynyń tóraǵasy Ramıl Smaılovtyń sózinshe, joba 2019 jyldan beri júzege asýda. Jańartylǵan formattyń basty maqsaty – oqýshylarǵa tabysty jastardyń tájirıbesin kórsetý jáne jumysshy mamandyqtardyń da úlken múmkindikterge jol ashatynyn dáleldeý.
Kórmede stýdentterdiń dıplomdary men marapattary qoıylyp, olardyń eńbegi men jetistikteri kópshilikke tanystyryldy.